Gazte Gela

Zer da Gazte Gela?

Egongela, adiskideak, topatzeko lekua, lantegia, ikaslekua, baliabide ugari eskaintzen didan ekipamendua...

Hori guztia eta askoz gehiago da Gazte Gela, erantzun egokia eman nahi baitie Portugaleteko neska-mutilek asisialdian dituzten beharrizanei. Gazteentzako zerbitzua da, baina, halaber, gazteekin batera aritu nahi du, gazteek parte har dezatela, alegia. Gazte Gelan gazteon ekimenak hartzen ditugu eta lagundu egiten dizuegu martxan jartzen. Gazteen elkarteak eta elkartu gabeko gazte taldeak ere hartzen ditugu eta babesa eskaintzen diegu. Azken batean, gazteen zerbitzupeko tokia da.

Zeintzuk dira Gazte Gelaren helburuak?

• Gazteei zeregin anitzeko ekipamendua eskaintzea, aisialdian erabil dezaten.
• Jarduera programan martxan jartzea, nerabe eta gazteen garapen eta prestakuntzari laguntzen dion guztia kontuan hartuta.
• Gazte elkarteei beren jarduera burutzeko behar dituzten zerbitzuak eta baliabideak eskaintzea.
• Gazteen ekimenak hartu, babestu eta sustatzea.

Zer topatuko dut Gazte Gelan?

• Prestakuntza eta aisialdiko jardueren egitarau etengbea.
• Elkarte eta taldeei laguntzeko zerbitzua.
• Laguntza gazteen ekimenak martxan jartzeko.
• Aretoak erabilgarri.
• Ikasteko Gelak.
• Gazteentzako Informazio Gunea.
• Ludoteka.
• Informatika Gunea.
• Wi-fi gunea.
• Erakusgela.

Zer behar du Gazte Gelaren zerbitzuak baliatzeko?

Hamalau eta hogeita hamaika urte bitartekoa izatea, besterik ez, jarduera eta zerbitzu guztiak doakoak dira eta. Hainbat zerbitzu baliatu ahal izateko, Gazte Gelaren txartela eskatu ohi dugunez gero, doan egin dezakezu gurean.

Gure instalazioak eta baliabideak ere erabil ditzakete, aldez aurretik eskatuta, gazte elkarteek edo taldeek, baldin eta gazteei begirako edo gazteen intereseko zerbait antolatu nahi badute.

Noiz dago zabalik Gazte Gela?

Gazte Gelaren ordutegia aldatu egiten dugu gazteen beharrizanei egokitzeko asmoz. Hobe, beraz, unean uneko kontsulta egiten baduzu Gazte Gelan bertan.

Ordutegi normala:
Astelehenetik ostiralera 16:00etatik 21:00etara.
Larunbatetan 10:00etatik 13:30era eta 16:00etatik 21:00etara.

Unibertsitateko azterketen garaian:
Astelehenetatik ostiralera 16:00etatik 21:00etara.
Larunbat eta igandeetan 10:00etatik 13:30era eta 16:00etatik 21:00etara.

Eskola oporretan:
Asteleenetatik larunbatera 10:00etatik 13:30era eta 16:00etatik 21:00etara.