Portugaleteko Udalaren Hezkuntza eta Gazteria Sailak, Gazteria Zerbitzuen bitartez, Portugaleteko neska-mutilen beharrizanei erantzuna eman nahian dihardu, sustapen, gizarteratze, laneratze, norberaren garapen eta bizi-kalitatearen hobekuntzari dagokionez.
Gazteria Zerbitzuek ekipamendu bi dauzkate 14 eta 30 urteen arteko neska-mutil guztien erabilgarri: batetik, Gazteentzako Informazio Bulegoa, informazio eta aholkua eman eta dibulgazioa egiteko; eta bestetik, Gazte Gela, hala banakoei nola gazteen talde eta elkarteei begirako jarduerak burutu eta zerbitzuak emateko.